🔹ئەمڕۆ لە مێژوودا؛ ساڵڕۆژی کۆچی دوایی مامۆستا گۆران ۲۷خەزەڵوەری ۲۷۲۳کوردی _۲۳ئابانی۱۴۰۲هەتاوی

🔹لە ڕۆژێکی وەک ئەمڕۆدا لە ساڵی ۱۹۶۲ی زایینی «مامۆستا گۆران»، شاعیر و ڕۆژنامەوانی کورد کۆچی دوایی کرد.
عەبدوڵڵا بەگ کوڕی سڵێمان بەگ لە ساڵی ۱۹۰۴ی زایینی لە شاری هەڵەبجە لە دایک بووە. باوک و باپیری گۆران، لە شیعر و ئەدەبدا بەهرەیان بووە، بە تایبەت باپیری لە زمانی فارسیدا شارەزایی چاکی بووە بە کاتبی فارسی ناسراوە.
گۆران بۆ یەکەمجار لە ۱۹۲۵دا بە مامۆستایی لە قوتابخانەکانی هەڵەبجە دامەزراوە و هەروەها سەرپەرشتیی گۆڤاری شەفەق بووە و دواتریش دەبێتە ئەندامی دەستەی نووسەرانی ڕۆژنامەی ئازادی.
یەکەمین کۆمەڵە شێعری گۆران بە ناوی «بەھەشت و یادگار» لە ١٩۵٠ لەسەر ئەرکی عەلائەدینی سەجادی لە بەغدا لە چاپ دراوە.