“زمانی دڵ”؛ پردێک لە نێوان زمانی دایکی و دونیای منداڵان

🔹کتێبی “زمانی دڵ: چیرۆکی زمانی دایکی”،
بەرهەمێکی پەروەردەیی و سەرنجڕاکێش بەقەڵەمی #فەرزانە_هیدایەتی_زادە نازناوی”سارێژ” و نیگارکێشی #ئەوین_ساسڵی، بە زمانی کوردی چاپ و بڵاوکرایەوە.

🔹ئەم کتێبە بە تیشک خستنە سەر گرنگی زمانی دایکی، فێری منداڵان دەکات کە چۆن لە ڕێگەی دوو زمانەوە پردێک بۆ کولتوور و ناسنامەی خۆیان و جیهانی فراوانتر دروست بکەن.

🔹”زمانی دڵ”، کە لە شێوەی کورتە چیرۆکی منداڵان بە ڕێبازێکی پەروەردەیی نووسراوە، نەک هەر جەخت لەسەر گرنگی زمانی دایکی دەکاتەوە، بەڵکو سوودەکانی دوو زمانەوانیش وێنا دەکات. ئەم کارە ئامانجی پەروەردەکردن و دروستکردنی هەستی سەربەخۆیی لە منداڵاندا، کە بەرەو تێگەیشتنێکی باشتر لە زمان و کولتووری خۆیان، هەروەها ئاشنابوونیان بە زمان و کولتوورەکانی دیکەیە.

🔹نووسەری کتێبەکە، فەرزانە هیدایەتی زادە، خاوەنی بڕوانامەی ماستەر لە زمان و ئەدەبیاتی فارسی، شاعیر، نووسەر، و چالاکی فەرهەنگی، خەڵکی شاری بانەوڕێیە وبەرپرسی کتێبخانەی گشتی ئیمامی شافعی لەشاری بانەوڕێیە.