◾️ڕێوڕەسمێک بۆ ڕێزلێنان لە ٢ی ڕەشەمە لە بۆکان بەڕێوە ئەچێت

▫️بەپێی ڕاپۆڕتی هەواڵنێری ئاژانسی هەواڵنێریی موکریان، سبەی پێنجشەممە ٢ی ڕەشەمەی ١۴٠٣ ڕێوڕەسمێک بۆ ڕێزگرتن لە “ڕۆژی جیهانیی زمانی زگماکی” لە لایەن “کۆڕی فێرکاری-فەرهەنگی و فێرگەی زمانی کوردیی ئەدەب” لە شاری بۆکان بەڕێوەئەچێت. شوێنی بەڕێوەچوونی ڕێوڕەسمەکە بنکەی گشتیی کۆڕی “ئەدەب” هەڵکەوتوو لە بۆکان، شەقامی قەڵا، پاساژی جۆردەن، نهۆمی چوار، کاتژمێر ٣:٣٠ی دوانیمەڕۆیە.

▫️”٢ی ڕەشەمە” بۆنەیەکی جیهانییە کە لە ساڵی ١٩٩٩دا لەلایەن “ڕێکخراوی یوونسکۆ”وە بە مەبەستی ڕێزلێنان لە جیاوازیی زمانی و پاراستنی و گەشەی زمانی گەلان دیاری کراوە. هەروەها لە لایەن ڕێکخراوی نەتەوەیەکگرتووەکانیش بە فەرمی ناسراوە.