خاتوونێکی کورد وەک باڵوێزی نوێی ئەمریکا لە وڵاتی میسر دەستبەکار بوو

ڕۆژی چوارشەممە ١٧ی خەزەڵوەر هێرۆ مستەفا باجەلان وەک باڵیۆزی نوێی ئەمەریکا لە میسر سوێندی یاسایی خوارد و دەست بەکار بوو.
خاتوو هێرۆ پێشتریش وەکوو دیپلۆماتکار لە هێندستان، بۆڵغارستان، عێراق، لوبنان، پورتەقاڵ، یۆنان، ئیسپانیا و بۆسنیی کاری کردووە. هەروەها ماوەیەکیش ڕاوێژکاری باڵای جۆ بایدن بۆ کاروباری رۆژهەڵاتی نێوەڕاست بووە.

هێرۆ مستەفا باجەلان ساڵی ١٩٧۵ی زایینی لە هەولێر لەدایک بووە. ساڵی ٢٠٢١ لەلایەن دامەزراوەی کارنگییەوە وەک یەکێک لە سەرکەوتووترین ئەو کەسانەی کۆچیان بۆ ئەمریکا کردووە، خەڵاتکراوە.

لە ساڵی ٢٠٠٩ بەڵگەفیلمێک بە ناوی “هێرۆی ئەمریکا” لەبارەی ژیانی ئەو خانمە کوردە درووست کرا، کە باسی ژیانی منداڵی و قورسییەکانی ژیانی پەنابەری هێرۆ دەکات.